Yaşıllar Partiyasının sədri Mais Güləliyev bu gün Beynəlxalq Mətbuat Mərkəzində müəllifi olduğu «Böyük Şeytanın yalanları və ya sonun başlanğıcı» kitabını təqdim edib.

Antiamerikan ruhlu kitabın təqdimat mərasimində çıxış edən Azərbaycan Ziyalılar Hərəkatının təmsilçisi Ədalət Əliyev müəllifin sionizmin dünyanı fəlakətə sürüklədiyini və ABŞ-ın siyasətini yəhudi təşkilatlarının müəyyənləşdirdiyini iddia etdiyini deyib. Onun fikrincə, ABŞ-ın demokratiya ixracı adı altında apardığı müharibələrdə məqsəd əslində dünyanın sərvətlərinin ələ keçirilməsidir.

«Turan»ın verdiyi məlumata görə, Azərbaycan Ziyalılar Hərəkatının sədri Eldəniz Quliyev də dünyanın indiki fəlakətli durumuna görə sionizmi ittiham edərək qloballaşma və terroru sionizmi ayaq üstdə saxlayan «iki dayaq» adlandırıb.

Milli İstiqlal Partiyasının lideri Etibar Məmmədov kitab müəllifinə uğur arzulasa da, 1980-ci illərin sonlarında milli azadlıq mübarizəsi nəticəsində dağılan sovet imperiyasını nostalji hisslərlə xatırlamasını ona irad tutub və kitabın növbəti hissəsində milli müstəqilliyə layiq olduğu qiyməti verəcəyinə ümidvar olduğunu vurğulayıb.

Yazar: artyazar | Art-xəbərlər | Şərhlər(0)
Baxış sayı: 100
Açar sözlər: